চিকিম ফুটবল একাডেমী ছেমিফাইনেলত প্ৰবেশ

শতাব্দ প্ৰতিনিধি তেজপুৰ ,১৭অক্টোবৰ: তেজপুৰ জিলা ক্ৰীড়া সন্হাৰ উদ্যোগত পলফিল্ডত অনুষ্ঠিত হৈ থকা ৰাজেন বৰঠাকুৰ সোঁৱৰণি তেজপুৰ চেলেঞ্জ ফুটবল প্ৰতিযোগিতাখনৰ আজি অনুষ্ঠিত হোৱা দ্বিতীয় খন কোৱাটাৰ ফাইনেল খেলত সুজাচেন ফুটবল অকাডেমী চিকিমে কেৰেলাৰ লুক্কা চকাৰ ফুটবল ক্লাবক ১-০ গলৰ ব্যৱধানত পৰাস্ত কৰি ছেমিফাইনেল খেলাৰ যোগ্যতা অৰ্জন কৰে।চিকিম দলৰ হৈ বিজয় সূচক গলটো দিয়ে ৰবীন মগৰে। আজিৰ খেল খনত প্ৰয়াত প্ৰেম কান্ত ডেকা সোঁৱৰণী শ্ৰেষ্ঠ খেলুৱৈ বটাঁ লাভ কৰে চিকিমৰ সুছা চেন ফুটবল অকাডেমীৰ ৰবীন মগৰে।