অসম

শতাব্দ প্ৰতিনিধি, নাৰায়ণপুৰ,১আগষ্ট: নাৰায়ণপুৰৰ দক্ষিণাঞ্চলৰ বানেধোৱা মেৰমুখৰ দক্ষিণ নাৰায়ণপুৰ কৃষ্টি বিকাশ কেন্দ্ৰ'ৰ ৰঙ্গমঞ্চত পষেকজোৰা কাৰ্যক্ৰমণিকাৰে ছাত্ৰ ছাত্ৰীসকলৰ শৈক্ষিক, বৌদ্ধিক, সাংস্কৃতিক বিকাশৰ উদ্দেশ্য ৰাখি আয়োজন কৰা বৌদ্ধিক বিকাশ কৰ্মশালাখনি যোৱা ৩১জুলাইত সামৰণি পৰে। মেৰমুখ বাৰেচহৰীয়া উন্নয়ন সভাৰ সাহিত্য আৰু কৃষ্টি উপ-সমিতিৰ উদ্যোগত যোৱা ১৬ জুনত শুভাৰম্ভ হোৱা সাহিত্য আৰু সাংস্কৃতিক কৰ্মশালাত প্ৰশিক্ষক হিচাপে উপস্থিত থাকে বিহপুৰীয়া মহাবিদ্যালয়ৰ সহযোগী অধ্যাপিকা ড° চিত্ৰলেখা ফুকন, প্ৰাক্তন বিষয় শিক্ষক…

গুৱাহাটী, ১ আগষ্টঃ অসম চৰকাৰৰ বুৰঞ্জী আৰু পুৰাতত্ত্ব বিভাগৰ সহযোগত তথা ছ'চাইটী ফৰ শ্ৰীমন্ত শঙ্কৰদেৱ (https://www.sankaradeva.com) নামৰ সংস্থাৰ উদ্যোগত ২৬ জুলাইৰ পৰা ৩০ জুলাই তাৰিখলৈ গুৱাহাটীস্থ বুৰঞ্জী আৰু পুৰাতত্ত্ব বিভাগৰ সভাকক্ষত “সাঁচিপতীয়া পুথি প্ৰস্তুতকৰণ আৰু শংকৰী চিত্ৰশৈলীত অংকন” শীৰ্ষক পাঁচদিনীয়া কৰ্মশালা এখন অনুষ্ঠিত হয়। কৰ্মশালাখনিত গুৱাহাটী, তেজপুৰ, গোলাঘাট, নগাঁওৰ চিত্ৰশিল্পীকে আদি কৰি অধ্যাপক,শিক্ষাৰ্থী তথা বুৰঞ্জী আৰু পুৰাতত্ত্ব বিভাগৰ কৰ্মচাৰীয়েও অংশগ্ৰহণ কৰে। কৰ্মশালাখনিৰ প্ৰশিক্ষক মৃদু মৌচম বৰাৰ নেতৃত্বত…

শতাব্দ ষ্টাফ ৰিপ’ৰ্টাৰ,তেজপুৰ,১আগষ্টঃ শোণিতপুৰ টাগ অফ ৱাৰ এছোচিয়েছনৰ উদ্যোগত আৰু তেজপুৰ অসমীয়া ক্লাব আৰু শোণিতপুৰ জিলা শৰীৰ চৰ্চা সন্থাৰ সহযোগত কালি ৰঙাপৰা মহাবিদ্যালয় প্ৰেক্ষাগৃহত অসম মহিলা টাগ অফ ৱাৰ দলৰ খেলুৱৈ সকলক বিশেষ ভাৱে সম্বৰ্ধনা জনোৱা হয়। উল্লেখযোগ্য যে যোৱা ২০ ৰ পৰা ২৩ জুলাইত তামিলনাডুৰ নামাক্কলত অনুষ্ঠিত হোৱা ৰাষ্ট্ৰীয় মহিলা টাগ অফ চেম্পিয়নশ্বিপত অসম মহিলা দলটোৱে চতুৰ্থ স্থান লাভ কৰিবলৈ সক্ষম হৈছিল। অসম মহিলা দলক প্ৰতিনিধিত্ব কৰা খেলুৱৈ সকল আছিল মায়াশ্ৰী স্বৰ্গীয়ৰী, পদুমী বসুমতাৰী, নিজলা মোছাহাৰী, গনৰাণী…

শতাব্দ ষ্টাফ ৰিপ’ৰ্টাৰ, লখিমপুৰ, ১ আগষ্টঃ নৰ্থ লখিমপুৰ প্ৰেছ ক্লাবত আজি দুপৰীয়া বীৰ লাচিত সেনা অসমৰ হৈ লখিমপুৰ জিলা সমিতিয়ে এখন সংবাদমেল সম্বোধন কৰে৷ বীৰ লাচিত সেনা অসমৰ লখিমপুৰ জিলা সমিতিৰ সভাপতি ভদ্ৰজিৎ দত্ত, মুখ্য সচিব ৰূপাংকৰ বৰা, যুটীয়া সচিব ৰাতুল গগৈ, শিক্ষা সচিব উৎপল গগৈ আদি উপস্থিত থকা সংবাদমেলত তেওঁলোকে কয় যে লাচিত সেনাৰ কাৰ্যকলাপৰ বাবে বীৰ লাচিত সেনা অসম কোনো প্ৰকাৰে দায়বদ্ধ নহয়৷ সত্যজিত দত্ত আৰু ইমৰাণ খান নামৰ পূৰ্বে বহিষ্কৃত দুজন সদস্যই বীৰ লাচিত সেনাৰ পৰা পদত্যাগ কৰা বুলি সংবাদ মাধ্যমত ভুৱা বাতৰি প্ৰচাৰ কৰিছে…

লখিমপুৰ, ১ আগষ্টঃ লক্ষীমপুৰ বাণিজ্য মহাবিদ্যালয়ৰ সোণালী জয়ন্তী ভৱনৰ নিৰ্মাণৰ শুভাৰম্ভ কালি কৰা হয়। লক্ষীমপুৰ বাণিজ্য মহাবিদ্যালয়ৰ সোণালী জয়ন্তী উপলক্ষ্যে নিৰ্মাণ হ'ব লগীয়া ভৱনৰ  সম্পূৰ্ণ বৈদিক মন্ত্ৰোচ্চাৰণেৰে শুভাৰম্ভ কৰে মহাবিদ্যালয়ৰ পৰিচালনা সমিতিৰ সভাপতি ড° মুহিধৰ পূজাৰীয়ে। লক্ষীমপুৰ বাণিজ্য মহাবিদ্যালয়ৰ শিক্ষক-কৰ্মচাৰী আৰু প্ৰাক্তন ছাত্ৰ সংগঠনৰ আৰ্থিক সাহাৰ্য্যৰে নিৰ্মিত এই সোণালী জয়ন্তী ভৱনৰ নিৰ্মাণৰ শুভাৰম্ভ অনুষ্ঠানত নাৰিকল ভাঙে অধ্যক্ষ ড° লোহিত হাজৰিকাই। উত্তৰ লখিমপুৰ লোক নিৰ্মাণ (গৃহ) বিভাগৰ কাৰ্য্যবাহী…

শতাব্দ ষ্টাফ ৰিপৰ্টাৰ তেজপুৰ , ১ আগষ্ট : মাজুলীৰ আউনিআটী সত্ৰৰ সত্ৰীয়া শিল্পী তথা গুৱাহাটীৰ ৰুদ্ৰ বৰুৱা ৰাজ্যিক সংগীত মহাবিদ্যালয়ৰ সত্ৰীয়া আৰু খোল বিভাগৰ শিক্ষক অতুল ভূঞাৰ আশিস লৈ তেজপুৰৰ সৃজনী সংগীত মহাবিদ্যালয়ৰ একাংশ শিক্ষাৰ্থীয়ে কালি সন্ধিয়া তেজপুৰৰ ৰূপকোঁৱৰৰ পৈতৃক গৃহ ঐতিহাসিক "পকী" ৰ ৰূপকোঁৱৰ মঞ্চত পৰিৱেশন কৰা মহাপুৰুষ শ্ৰীমন্ত শংকৰদেৱৰ অমৰ সৃষ্টি "ৰুক্মিণী হৰণ" ভাওনাই মুগ্ধ কৰি তোলে ৰাইজক। উল্লেখ্য যে নৃত্য শিল্পৰ ক্ষেত্ৰত বিশেষ কৃতিত্ত্বৰ পৰিচয় দি অহা তেজপুৰৰ দক্ষ নৃত্যশিল্পী মিতালী দত্ত বৰঠাকুৰৰ তৎপৰতাত গঢ়ি উঠা…

শতাব্দ ষ্টাফ ৰিপৰ্টাৰ, তিনিচুকীয়া, ১ আগষ্ট : নিজৰ শক্তি বৃদ্ধিৰ বাবে কঁকালত টঙালি বান্ধিছে আলফাই (স্বাঃ) ৷ নিষিদ্ধ ঘোষিত সংগঠনটোৰ নামত চাহ বাগিচাকে ধৰি উজনিৰ একাংশ ব্যক্তিলৈ ধনদাবী পত্ৰ প্ৰেৰণৰ খবৰে বাতৰিৰ শিৰোনাম দখল কৰি অহাৰ সময়তে পোহৰলৈ আহিছে সশস্ত্ৰ সংগঠনটোত সদস্য ভৰ্তিৰ বাবে তলে তলে অব্যাহত গোপন অভিযানৰ কথা ৷ আলফা (স্বাঃ) আৰু অসম আৰক্ষীৰ সঞ্চালকপ্ৰধানৰ মাজত চলি থকা ’এনকাউণ্টাৰ’ কেন্দ্ৰিক বাকযুদ্ধৰ মাজতে যোৱা কিছুদিনৰ পৰা হঠাৎ তীব্ৰ হৈ উঠা তিনিচুকীয়া আৰক্ষীৰ আলফা বিৰোধী অভিযানকালত পোহৰলৈ আহিছে নিষিদ্ধ ঘোষিত সংগঠনটোৱে…

শতাব্দ ষ্টাফ ৰিপৰ্টাৰ তেজপুৰ , ১ আগষ্ট : নটসূৰ্য্য ফণী শৰ্মাৰ ৫৩ সংখ্যক স্মৃতিদিৱস আৰু নটসূৰ্য্য ফণী শৰ্মা সোঁৱৰণী নাট সমাৰোহৰ কালি প্ৰথম দিনটোৰ সন্ধিয়া নটসূৰ্য্য গৰাকীৰ ঘনিষ্ঠ সান্নিধ্য লাভ কৰা সুধাকণ্ঠ, ভাৰত ৰত্ন ড০ ভূপেন হাজৰিকাৰ চিতাভস্ম সংৰক্ষণৰ বাবে বাণ থিয়েটাৰ কৰ্তৃপক্ষই ৰাজ্যখনৰ ভিতৰতে প্ৰথমবাৰৰ বাবে আটকধুনীয়াকৈ বিজ্ঞানসন্মত ভাৱে নিৰ্মাণ কৰা "চিতাভস্ম সংৰক্ষিত স্হান" আনুষ্ঠানিক ভাৱে উদ্ঘাটন কৰে শোণিতপুৰ জিলা আয়ুক্ত দেৱ কুমাৰ মিশ্ৰই । উল্লেখ্য যে বাণ থিয়েটাৰৰ প্ৰতীকী গীতেৰে শুভাৰম্ভ হোৱাৰ পিছত নটসূৰ্য্য ফণী শৰ্মাৰ…

শতাব্দ ষ্টাফ ৰিপটাৰ তেজপুৰ, ২৯ জুলাই : তেজপুৰৰ জ্যোতি - বিষ্ণু মইনা পাৰিজাতৰ সপ্তদশ শিশু সমাৰোহ উপলক্ষে কালিৰ দিনটোত পুৱাৰ পৰা গীত, নৃত্য, কবিতা আবৃত্তি, আকস্মিক বক্তৃতা ৰ পিছত বিয়লিৰ পৰা মুকলি সভাত তেজপুৰৰ কেবাখনো শাখা মইনা পাৰিজাতৰ মইনাৰ বাগ্মিতাপূৰ্ণ ভাষণ, শিশুপ্ৰেমী বিশিষ্ট অতিথিৰ ভাষণ আৰু মইনাৰ মৌমাতেৰে মুখৰিত হৈ পৰে তেজপুৰ বামুণ গাঁৱৰ মধ্য বাৰিকা চুবুৰী প্ৰাথমিক বিদ্যালয় প্ৰাংগন। বিয়লি জ্যোতি - বিষ্ণু মইনা পাৰিজাতৰ মইনা স্নেহাল গোস্বামীৰ পৌৰোহিত্যত অনুষ্ঠিত হোৱা মুকলি সভাখন আৰম্ভ হয় জ্যোতি - বিষ্ণু মইনা পাৰিজাতৰ…

শতাব্দ ষ্টাফ ৰিপ’ৰ্টাৰ, লখিমপুৰ, ২৯ জুলাইঃ লখিমপুৰ জিলা উপায়ুক্ত কাৰ্যালয়ৰ একাংশ বিষয়াই চৰকাৰী গাড়ীচালকক ব্যক্তিগত কামত ব্যৱহাৰ কৰাৰ অভিযোগ উত্থাপিত হৈছে৷ কেবাজনো চৰকাৰী গাড়ী চালকক এতিয়া এনে একাংশ বিষয়াই চৰকাৰী কামত ব্যৱহাৰ কৰাৰ উপৰিও বজাৰ কৰিবলৈ পঠোৱা, বিদ্যালয়ৰ পৰা নিজৰ ল’ৰা-ছোৱালীক অনা নিয়া কৰা আদি বিভিন্ন কামত নিয়োজিত কৰি অহাত একাংশ চালকে তীব্ৰ ক্ষোভ প্ৰকাশ কৰিছে৷ উল্লেখনীয় যে লখিমপুৰ জিলা উপায়ুক্ত কাৰ্যালয়ত প্ৰায় ১৩-১৪ জন চালক নিয়োজিত হৈ আছে আৰু এনে চালকৰে ৩-৪ জনক একাধিক বিষয়াই কাৰ্যালয়ৰ সময়ত ব্যক্তিগত কামত নিয়োজিত…