অসম

শতাব্দ ষ্টাফ ৰিপ'টাৰ, ২৭ আগষ্ট :গছ থাকিলেহে মানুহ থাকিব - এই মন্ত্ৰেৰে আজি শোণিতপুৰ জিলা সাংস্কৃতিক ঐক্য মঞ্চই তেজপুৰৰ ঐতিহাসিক গড়, দৌলৰ সন্মুখৰ লগতে পৰ্বতীয়াৰ পৰা তৰাজান কুমাৰ গাঁও সংযোগী পথৰ দুয়োকাষে শতাধিক গছপুলি ৰোপণেৰে এক দৃষ্টান্তমূলক পদক্ষেপ গ্ৰহণ কৰে। গোলকীয় উষ্ণতা বৃদ্ধিয়ে জনসাধাৰণৰ জীৱন দুৰ্বিসহ কৰি তোলাৰ লগতে সৰ্বত্ৰ প্ৰাকৃতিক ভাৰসাম্য হেৰাই যোৱাৰ উপক্ৰম হোৱাৰ পিছত এতিয়া চৌদিশ সেউজীয়া কৰি তোলাৰ বাহিৰে আন কোনো বিকল্প ব্যৱস্থা নোহোৱা হৈ পৰাৰ সময়ত সকলো লোকে যাতে খালী হৈ থকা মাটি ডোখৰত এটাকৈ হ'লেও গছপুলি ৰোপণ কৰি…

শতাব্দ ষ্টাফ ৰিপ’ৰ্টাৰ,তেজপুৰ,২৭আগষ্টঃ আজি শোণিতপুৰ জিলা জ্যেষ্ঠ নাগৰিক সন্মিলনৰ কাৰ্যনিৰ্বাহকৰ এখন গুৰুত্বপূৰ্ণ সাংগঠনিক সভা তেজপুৰ চাৰিআলি শাখাৰ উদ্যোগত অনুষ্ঠিত হৈ যায়।জিলা সন্মিলনৰ সভাপতি কেশৰাম নাথৰ সভাপতিত্বত পুৱা ১০ বজাত আৰম্ভ হোৱা সভাখনত আদৰণী ভাষন প্ৰদান কৰি তেজপুৰ চাৰিআলি শাখাৰ সভাপতি কুমুদ দাসে প্ৰকাশ কৰে যে মিছন চাৰিআলি নামেৰে জনাজাত এইটো আচলতে তেজপুৰ চাৰিআলিহে।কোনো ন্যস্তস্বাৰ্থ জড়িত মহলৰ অপপ্ৰচাৰৰ বাবেহে মিছন চাৰিআলি নামেৰে পৰিচিত হৈছে। অসম জ্যেষ্ঠ নাগৰিক সন্মিলনৰ শীৰ্ষক গীতটো পৰিবেশনৰ পিছতেই যোৱা সময় চোৱাত…

শতাব্দ ষ্টাফ ৰিপ'ৰ্টাৰ, তেজপুৰ, ২৭ আগষ্ট : কাষৰীয়া অৰুণাচল প্ৰদেশত হোৱা ধাৰাসাৰ বৰষুণৰ ফলত ফেনে ফুটুকাৰে বাঢ়ি অহা বাঢ়নী পানীয়ে শোণিতপুৰৰ চাৰিদুৱাৰ আৰু বালিপৰাৰ বিস্তীৰ্ণ অঞ্চল বুৰাই পেলোৱাৰ পিছত কালিৰে পৰা এই জৰাসৰ নদীৰ বাঢ়নী পানীয়ে তেজপুৰৰ ঘগৰা আৰু ডিপোটা নৈ স্পৰ্শ কৰি বৰছলা আৰু তেজপুৰ সমষ্টিৰ বৃহত্তৰ বাঁহবাৰী অঞ্চলৰ বহুকেইখন গাওঁ জলমগ্ন কৰাৰ লগতে বিস্তীৰ্ণ অঞ্চলৰ কৃষি পথাৰ পানীয়ে বুৰাই পেলোৱাত কৃষক ৰাইজৰ মাজত হাঁহাকাৰ অৱস্থাৰ সৃষ্টি হৈছে। স্হানীয় বান আক্ৰান্ত ৰাইজৰ পৰা জানিব পৰা মতে বাঁহবাৰী ডেকা চুবুৰী প্ৰাথমিক…

শতাব্দ ষ্টাফ ৰিপ’ৰ্টাৰ,তেজপুৰ, ২৬ আগষ্ট : শোণিতপুৰৰ টুমুকী স্হিত তেজপুৰ চিকিৎসা মহাবিদ্যালয় হাস্পতালত যোৱা তিনিদিন ধৰি খোৱা পানীৰ সংকটে জুৰুলা কৰিছে।ইয়াৰ চিকিৎসক, ৰোগী আৰু চিকিৎসা মহাবিদ্যালয়ৰ ছাত্ৰ-ছাত্রীকে ধৰি সকলো কৰ্মচাৰীয়ে এতিয়া পানীৰ চৰম সংকটত ভুগিবলগীয়া হৈছে৷এই সংকট মষিমূৰ কৰিবলৈ চিকিৎসা মহাবিদ্যালয়ৰ কৰ্তৃপক্ষই বিভিন্ন চৰকাৰী সংস্থা, দেশৰ সেনা বাহিনীৰ ,এছ এছ বি আৰু আই টি বি পি ৰ পৰা পানী সংগ্ৰহ কৰিব লগীয়া হৈছে৷উল্লেখযোগ্য যে, এই চিকিৎসা মহাবিদ্যালয়খনলৈ পানী যোগান ধৰা হয় তেজপুৰৰ দেৱীসিং ঘাটত স্হাপিত এক আচুতীয়া…

শতাব্দ ষ্টাফ ৰিপৰ্টাৰ ২৭ আগষ্টঃ পূৰ্বৰ ঢকুৱাখনা বিধান সভা সমষ্টি আৰু বৰ্তমান নাওবৈছা বিধানসভা সমষ্টিৰ অন্তৰ্গত সোৱণশিৰি গাঁও পঞ্চায়তৰ আলিমূৰ ভাটি গাঁৱৰ কাষৰ সোৱণশিৰি নৈৰ এৰাসুঁতিত অসম চৰকাৰৰ তিনিখনকৈ আঁচনিৰ পৰা আবন্টিত প্ৰায় ২২ লাখ টকাৰ শৰাধ কৰি খন্দা অমৃত সৰোবৰটো বহু নিৱনুৱা যুৱক-যুৱতীৰ জীৱন-জীৱিকা ধ্বংসৰ সৰোবৰো হৈ পৰিল। খৰালি তৰাং হৈ পৰা আৰু বাৰিষা বোৱতী নদীলৈ পৰিণত হোৱা সোৱণশিৰি নৈৰ এৰাসুঁতিতো দুয়োফালে সম্পূৰ্ণ বন্ধ কৰি বিধায়ক নৱ কুমাৰ দলেৰ ঘনিষ্ঠ ঠিকাদাৰ কুলাগাম পায়েং নামৰ এজন ঠিকাদাৰৰ নেতৃত্বত ঘিলামৰা উন্নয়ন খণ্ডৰ…

শতাব্দ ষ্টাফ ৰিপ’ৰ্টাৰ,তেজপুৰ,২৬আগষ্টঃ তেজপুৰ জিলা ক্ৰীড়া সন্হাৰ উদ্যোগত আৰু ৰঙাপৰা মহাবিদ্যালয়ৰ সহযোগত অনুষ্ঠিত হোৱা শোণিতপুৰ জিলা চিনিয়ৰ মহিলা ফুটবল লীগৰ খিতাপ অৰ্জন কৰিছে অসম ৰাইফলছ দলে৷ ৰঙাপৰা মহাবিদ্যালয়ৰ খেলপথাৰত অনুষ্ঠিত হোৱা লীগখনৰ আজিৰ অন্তিমখন খেলত অসম ৰাইফলছ একাদশে ৰঙাপৰা মহাবিদ্যালয় একাদশক ৩-০গ’লৰ স্পষ্ট ব্যৱধানত পৰাস্ত কৰে৷ বিজয়ী দলৰ হৈ ৰঞ্জীবালা দেৱীয়ে দুটা আৰু হেমলতা দেৱীয়ে এটা গ’ল স্কৰ কৰে৷

শতাব্দ ষ্টাফ ৰিপৰ্টাৰ, তিনিচুকীয়া, ২৬ আগষ্ট : তীব্ৰবেগী ডাম্পাৰ আৰু কেঁচা চাহপাত কঢ়িওৱা গাড়ীৰ দৌৰাত্ম্যত তিনিচুকীয়াত সাধাৰণ পথচাৰী নিৰাপত্তাহীনতাত ভুগিবলগীয়া হৈছে ৷ তিনিচুকীয়া চহৰৰ উপকণ্ঠৰ চান্দমাৰী বাগিচাৰ সুৰেণ মুৰ্মু নামৰ এজন শ্রমিকক শুকুৰবাৰে সন্ধিয়া এখন তীব্ৰবেগী কেঁচা চাহপাত কঢ়িওৱা গাড়ীয়ে খুন্দা মৰাৰ ফলত শ্ৰমিকজন থিতাতে নিহত হয় ৷ ইফালে দুৰ্ঘটনা সংঘটিত কৰিয়েই পলায়ন কৰে গাড়ীখনে ৷ আজি শ্রমিকজনৰ মৃতদেহৰ মৰনোত্তৰ পৰীক্ষাৰ অন্তত স্থানীয় চাহ শ্রমিকসকলে অকালতে মৃত্যুবৰণ কৰা সুৰেণ মুৰ্মুৰ মৃতদেহ লৈ ক্ষতিপূৰণৰ দাবীত মাকুম…

শতাব্দ ষ্টাফ ৰিপ’ৰ্টাৰ, লখিমপুৰ, ২৬ আগষ্টঃ উত্তৰ লখিমপুৰ সদৰ থানাৰ অন্তৰ্গত ৮ নং ৱাৰ্ডত চুৰি বিদ্যুৎ পৰিবাহী তাঁৰত লাগি এজন কিশোৰৰ মৃত্যু হোৱা ঘটনাই লখিমপুৰত তীব্ৰ উত্তেজনাৰ সৃষ্টি কৰিছে৷ এই ঘটনা সন্দৰ্ভত ইতিমধ্যে আৰক্ষীয়ে এজন লোকক গ্ৰেপ্তাৰ কৰিছে৷ ঘটনাৰ বিৱৰণী মতে যোৱা ২৪ আগষ্টত বিকাশ মুণ্ডা ওৰফে বিকি নামৰ লোকজনে তেওঁৰ নিজা ঘৰত চুৰি বিদ্যুৎ সংযোগ কৰি গৃহ নিৰ্মাণৰ ৱেলডিঙৰ কাম কৰাই থকা অৱস্থাত উত্তৰ লখিমপুৰ সদৰ থানাৰে অন্তৰ্গত ২ নং ৰাওনাপুৰৰ মোতামিল হকৰ পুত্ৰ ৰাজিবুল আলি ৰ বিদ্যুৎস্পৃষ্ট হৈ মৃত্যু হয়৷ এই সন্দৰ্ভত মৃত…

শতাব্দ ষ্টাফ ৰিপ’ৰ্টাৰ,তেজপুৰ,২৬আগষ্টঃ ভদীয়া বানে শোণিতপুৰৰ ভালেসংখ্যক অঞ্চল প্লাৱিত কৰাৰ লগতে বিস্তীৰ্ণ কৃষিপথাৰ তথা বাসগৃহ জলমগ্ন কৰাত ৰাইজৰ মাজত হাঁহাকাৰ অৱস্থাৰ সৃষ্টি হৈছে৷তেজপুৰৰ নিকটৱৰ্তী বাঁহবাৰী আৰু বিহগুৰি মৌজাৰ প্ৰায় ২০খন গাঁও আজি পুৱাৰে পৰা বানত বুৰ গৈছে৷ বাহবাৰী আৰু বিহগুৰি মৌজাৰ ঘগৰা খেলমাটি, নাহৰণি, বৰছন, ঘনশ্যাম চেন্টাৰ, ঘগৰা, কুকুৰ বস্তি, বাহবাৰী খণ্ড, বেতনি, হাতখোলা, মোৱামাৰি, ডেকা চুবুৰী, বৰা চুবুৰী, ছিঙা চুবুৰী, খোলাকটি কছাৰী আদি অঞ্চল সম্প্ৰতি সম্পূৰ্ণ বানৰ তলত৷ কৃষিপ্ৰধান অঞ্চলসমূহৰ সকলো পথাৰ…

শতাব্দ ষ্টাফ ৰিপ’ৰ্টাৰ, লখিমপুৰ, ২৫ আগষ্টঃ লখিমপুৰৰ বাধাকৰা জ্যেষ্ঠ মাধ্যমিক বিদ্যালয়ৰ নৱাগত আদৰণী সভাত আজি এজন মেধাবী ছাত্ৰক শৈক্ষিক বঁটা প্ৰদান কৰা হয়৷ আজি বিদ্যালয় পৰিচালনা সমিতিৰ সভাপতি প্ৰফুল্ল দত্তৰ সভাপতিত্বত অনুষ্ঠিত হোৱা মুকলি সভাখন উদ্বোধন কৰে বাধাকৰা জ্যেষ্ঠ মাধ্যমিক বিদ্যালয়ৰ অধ্যক্ষা বিজুমনি সোণোৱালে৷ ছাত্ৰ একতা সভাৰ সাধাৰণ সম্পাদক ৰবি পেগুৱে উদ্দেশ্য ব্যাখ্যা কৰাৰ লগতে নৱাগত সকলৰ চিনাকি পৰ্বৰ আঁত ধৰে৷ সভাত মুখ্য অতিথি হিচাপে অংশগ্ৰহণ কৰি ৰাষ্ট্ৰীয় কৃতী শিক্ষকৰ বঁটা প্ৰাপক বাবুল চন্দ্ৰ চুতীয়াই চন্দ্ৰযান– ৩ ৰ সফল…