অসম

শতাব্দ প্ৰতিনিধি,তেজপুৰ,১৩ফেব্ৰুৱাৰীঃ শোণিতপুৰ জিলা অন্তৰ্গত বুঢ়াচাপৰি বন্যপ্ৰাণী অভয়াৰণ্যৰ প্ৰথম সংযোজন হিচাপে ৪৪.০৬বৰ্গ কিলোমিটাৰ সামৰি আজি চূড়ান্ত নটিফিকেচন জাৰি কৰিছে ৰাজ্য চৰকাৰে৷ৰাজ্যচৰকাৰৰ পৰিবেশ আৰু বন বিভাগৰ সচিবে জাৰি কৰিছে এই চূড়ান্ত নটফিকেচন৷উল্লেখযোগ্য যে ১৯৭২ৰ বন্যপ্ৰাণী সংৰক্ষণ আইনৰ ৩৫(৪)নম্বৰ ধাৰা অনুসৰি  নগাঁও বন্যপ্ৰাণী সংমণ্ডলৰ অধীনষ্ঠ আৰু শোণিতপুৰ জিলাৰ তেজপুৰ ৰাজহচক্ৰৰ অন্তৰ্গত এই বন্যপ্ৰাণী অভয়াৰণ্যখনৰ এই অংশ ২০০৮ত ব্যঘ্ৰ প্ৰকল্প হিচাপে কাজিৰঙা ৰাষ্ট্ৰীয় উদ্যানৰ অন্তৰ্ভুক্ত হৈ আছিল৷পাছত ২০১৬ত বন্যপ্ৰাণী…

শতাব্দ প্ৰতিনিধি, তেজপুৰ , ১৩ ফেব্ৰুৱাৰীঃ কালি সমাপ্ত হোৱা ৩৮ সংখ্যক ছিনিয়ৰ ৰাষ্ট্ৰীয় টাইকোৱানডো  প্ৰতিযোগিতাত অংশগ্ৰহণ কৰি শোণিতপুৰ জিলাৰ তেজপুৰৰ গৰৈমাৰীত অৱস্থিত এছ এছ বি দল টিয়ে সোণ-ৰূপ আৰু ব্ৰঞ্জৰ কেবাটাও পদকেৰে শোণিতপুৰৰ লগতে অসমলৈ গৌৰৱ কঢ়িয়াই আনিছে। উল্লেখ্য যে যো৩১০ফ্ৰেব্ৰৱাৰীৰ পৰা ১২ফ্ৰেব্ৰুৱাৰী লৈ পুডুচেৰিৰ ৰাজীৱ গান্ধী ষ্টেডিয়ামত অনুষ্ঠিত হোৱা উক্ত প্ৰতিযোগিতাত অসম জীয়ৰী তাচিন বেগম, সবিতা ৰামচিয়াৰি আৰু সীমা কানজীয়াই ৩ টাকৈ সোণ, অভিজিত কলিতা,অমিত প্ৰধান আৰু বিনোদ দাসৰ দলটিয়ে ব্ৰঞ্জৰ লগতে অভিজিত কলিতাই একক শাখাত…

শতাব্দ প্ৰতিনিধি, তেজপুৰ, ১৩ ফেব্ৰুৱাৰীঃ কামৰূপ টাগ অফ ৱাৰ সন্থাৰ উদ্যগত আৰু অসম টাগ অফ ৱাৰ সন্থাৰ তত্বাৱধানত কামৰূপৰ মিৰ্জাত যোৱা ১১ আৰু ১২ ফেব্ৰুৱাৰীত অনুষ্ঠিত হোৱা "১১সংখ্যক সদৌ অসম আন্তঃ জিলা টাগ অফ ৱাৰ প্ৰতিযোগিতা২০২২-২০২৩"ত শোণিতপুৰ জিলাৰ ৰঙাপৰা মহাবিদ্যালয়ৰ মহিলাৰ দলটিয়ে চেম্পিয়নৰ খিতাপ অৰ্জন কৰি জিলাখনলৈ সুনাম কঢ়িয়াই আনিবলৈ সক্ষম হোৱাত আজি ৰঙাপৰা মহাবিদ্যালয় কৰ্তৃপক্ষই অধ্যক্ষ ড০ ৰঞ্জন কলিতাৰ নেতৃত্বত দলটিক  উষ্ম আদৰণি জনায়। উল্লেখ্য যে, অসমৰ বিভিন্ন জিলাৰ পুৰুষৰ ১০ টি দল আৰু মহিলাৰ ৯ টি দলে উক্ত প্ৰতিযোগিতাত…

শতাব্দ প্ৰতিনিধি‍, লখিমপুৰ, ১৩ ফেব্ৰুৱাৰীঃ লখিমপুৰ জিলাৰ চিয়াজুলীৰ বোকানলাত ২০১৯ বৰ্ষত কণী উৎপাদনৰ বাবে স্থাপন কৰা ‘মহাবলী লেয়াৰ প'ল্ট্ৰী ফাৰ্ম’খনে এতিয়া দৈনিক ১৭ হাজাৰকৈ কণী উৎপাদন কৰিছে যদিও সেইমতে উপযুক্ত মূল্য লাভ কৰিবলৈ সক্ষম হোৱা নাই৷ বৰ্হিঃৰাজ্যৰ পৰা অহা কণীয়ে এই থলুৱা কণী উৎপাদকলৈ অশনি সংকেত কঢ়িয়াই আনিছে৷ উল্লেখ্য যে চিয়াজুলীৰ বোকানলাত উচ্ছ শিক্ষিত যুৱক দেৱজিৎ ছেত্ৰীয়ে ২০১৯ বৰ্ষত এই ফাৰ্মখন আৰম্ভ কৰি শেহতীয়াকৈ উক্ত ফাৰ্মখনত ২০ হাজাৰ মূৰ্গী প্ৰতিপালন কৰি আছে৷ ২ কোটি ৫০ লাখ টকাৰ ঋণ লৈ লকডাউনৰ…

শতাব্দ প্ৰতিনিধি‍, লখিমপুৰ, ১৩ ফেব্ৰুৱাৰীঃ ৰাজ্যৰ বিভিন্ন প্ৰান্তৰ লগতে দেওবাৰে লখিমপুৰ জিলাৰ বিভিন্ন স্থানৰ পৰীক্ষাকেন্দ্ৰত স্বাস্থ্য বিভাগৰ তৃতীয় বৰ্গৰ লিখিত পৰীক্ষা অনুষ্ঠিত হয়৷ উক্ত পৰীক্ষাত লখিমপুৰৰ এটা কেন্দ্ৰৰ পৰা এখন প্ৰশ্নকাকত ফাদিল হোৱাৰ সন্দেহত আজি লখিমপুৰ আৰক্ষীয়ে সুদূৰ মৰিগাঁও জিলাৰ মৈৰাবাৰীৰ পৰা দুই স্বামী-স্ত্ৰীক আটক কৰি লখিমপুৰ সদৰ থানাত সোধপোচ অব্যাহত ৰাখিছে৷ ধৃত নাছিমা বেগমে দেওবাৰে লখিমপুৰ সদৰ থানাৰ অন্তৰ্গত তথা লীলাবাৰীৰ উজ্জ্বলপুৰ উচ্চতৰ মাধ্যমিক বিদ্যালয়ৰ পৰীক্ষাকেন্দ্ৰত পৰীক্ষাত অৱতীৰ্ণ হৈছিল৷ মহিলা…

শতাব্দ প্ৰতিনিধি‍, তিনিচুকীয়া, ১৩  ফেব্ৰুৱাৰীঃ ডিগবৈ প্ৰেছ ক্লাবৰ দ্বি-বাৰ্ষিক অধিবেশন উপলক্ষে কবিতাৰ গুঞ্জনেৰে দেওবাৰে মুখৰিত হৈ উঠে ডিগবৈ প্ৰেছ ক্লাবৰ বাকৰি ৷ প্ৰায় অৰ্ধশতাধিক কবিয়ে অংশগ্ৰহণ কৰা ’মাঘৰ এটি কবিতাৰ দিন’ শীৰ্ষক কবি সমাৰোহখন সঞ্চালনা কৰে বিশিষ্ট কবি নিৰূপমা গোস্বামীয়ে। বিশিষ্ট সাহিত্যিক পুণ্য শইকীয়াই উদ্বোধন কৰা অনুষ্ঠানটোত  তিনিচুকীয়া জিলা সাংবাদিক সন্থাৰ সভাপতি অনুজ কলিতা, সাধাৰণ সম্পাদক ৰাণাজ্যোতি নেওঁগ বিশিষ্ট অতিথি ৰূপে উপস্থিত থাকি ভাষণ প্ৰদান কৰে৷ অনুষ্ঠানৰ আৰম্ভণিতে তনুশ্ৰী শৰ্মাই বায়ন দীপাংকৰ শৰ্মাৰ…

শতাব্দ প্ৰতিনিধি, তেজপুৰ, ১২ ফেব্ৰুৱাৰীঃ অসমীয়া জনজীৱনৰ বা অসমীয়া জাতিৰ অন্যতম অংগ গৰিয়া-মৰিয়া-দেশীয় জাতীয় পৰিষদৰ ১৮ সংখ্যক প্ৰতিষ্ঠা দিৱস আজি পুৱাৰ পৰা উল্লাস পূৰ্ণ পৰিৱেশৰ মাজেৰে আৰম্ভ হয় তেজপুৰ চহৰৰ নিকটৱৰ্তী শইকীয়া চুবুৰী মুছলিম গাঁৱত। উল্লেখ্য যে, গৰিয়া-মৰিয়া-জাতি পৰিষদৰ শোণিতপুৰ জিলা সমিতিৰ উদ্যোগত আৰু পৰোৱা আঞ্চলিকৰ সহযোগত অনুষ্ঠিত এই প্ৰতিষ্ঠা দিৱসৰ কাৰ্যসূচী পতাকা উত্তোলন, শ্বহীদ তৰ্পণ আৰু সাংস্কৃতিক অনুষ্ঠানেৰে শুভাৰম্ভ হয়। ইয়াৰ পিছতেই বিভিন্ন প্ৰান্তৰ বিশিষ্ট আমন্ত্ৰিত অতিথিৰ উপস্থিতিত অনুষ্ঠিত হোৱা…

শতাব্দ প্ৰতিনিধি,তেজপুৰ,১২ফেব্ৰুৱাৰীঃ সাংস্কৃতিক নগৰি তেজপুৰত ২০১৫ তে গঢ় লৈ উঠা সাহিত্য সাংস্কৃতিক বৰ্ষ সোঁ‌ৱৰণিয়ে আজি উদযাপন কৰিলে সোঁ‌ৱৰণি বৰ্ষ ২০২৩। ৰাজ্যখনৰ ১২৩ গৰাকীকৈ খ্যাত অখ্যাত নবীন, প্ৰবীণ সাহিত্য-শিল্পী কলাকুশলী তথা বিভিন্ন ক্ষেত্ৰত অনবদ্য বৰঙনি আগবঢ়োৱা লোকক সম্বৰ্দ্ধনা আৰু বঁটা প্ৰদানৰে  অনুষ্ঠিত হয় এই অনন্য কাৰ্যসূচী৷ ৰাজ্যখনৰ বোলছবি তথা নাট্যক্ষেত্ৰৰ বৰ সৰাণী চেতনা দাস, বিশিষ্ট অভিনেতা অৰুণ নাথ, কৌতুক অভিনেতা অমুল্য কাকতি, তেজপুৰ সমষ্টিৰ  বিধায়ক পৃথ্বিৰাজ ৰাভা, মৎস্যগন্ধাৰ অভিনেত্ৰী নয়নমণি শইকীয়া, লেখিকা সমাৰোহ…

শতাব্দ প্ৰতিনিধি, তেজপুৰ, ১২ ফেব্ৰুৱাৰীঃ যিকোনো পৰিৱেশত য'তে ত'তে যে নাটক কৰিব পাৰি সেইকথা কালি নিশা প্ৰতিপন্ন কৰি তেজপুৰৰ একাংশ ৰুচীশীল দৰ্শকক  মুগ্ধ কৰি তুলিলে দীৰ্ঘদিন ধৰি ৰাজ্যখনত এক সুস্থ সাংস্কৃতিক ধাৰা অব্যাহত ৰখা গুৱাহাটীৰ নাট্য আৰু সাংস্কৃতিক অনুষ্ঠান "সূৰ্য্য" ই। উল্লেখ্য যে, সাহিত্য কাণ্ডাৰী পদ্মনাথ গোহাঞি বৰুৱাৰ স্মৃতি বিজড়িত তেজপুৰৰ শতবৰ্ষ গৰকা অসমীয়া ক্লাবে চাৰিখনকৈ ছুটি নাটকেৰে কালিৰে পৰা দুদিনীয়াকৈ আয়োজন কৰা "অন্তৰংগ নাট্য সন্ধ্যা" শীৰ্ষক অনুষ্ঠানত কালি প্ৰথম দিনটোত গুৱাহাটীৰ "সূৰ্য্য" ই নিবেদন কৰে দুখনকৈ…

শতাব্দ প্ৰতিনিধি‍,তেজপুৰ,১২ফেব্ৰুৱাৰীঃ তেজপুৰ চহৰৰ নিকটৱৰ্তী এখন গোপচাৰত সম্প্ৰতি বালিপৰা উন্নয়নখণ্ডৰ অধীনত চৰকাৰৰ অমৃতসৰোবৰ আঁচনি ৰূপায়ণ কৰিবলৈ ওলোৱাকলৈ স্হানীয় ৰাইজৰ মাজত তীব্ৰ প্ৰতিক্ৰিয়াৰ সৃষ্টি হৈছে৷ ইতিমধ্যে ইয়াক লৈ ৰাইজে সভা অনুষ্ঠিত কৰি এই বিষয়ে শোণিতপুৰৰ উপায়ুক্তকো লিখিতভাবে সবিশেষ অৱগত কৰি সেই অংশত অমৃত সৰোবৰ আঁচনিখন ৰূপায়ণৰ পৰিকল্পনা বন্ধ কৰাৰ বাবে আহ্বান জনাইছে৷ উল্লেখযোগ্য যে, তেজপুৰৰ নিকটৱৰ্তী ডিপোতা অঞ্চলত চেপেটিয়নী নামৰে এক বৃহৎ গোপচাৰ আছে৷ বাৰিষা এই অংশৰে অতিৰিক্ত পানী বৈ যোৱাৰ লগতে ৰাইজৰ পশুধন…